Фара Бејкер (16) живее во срцето на Газа, нејзиниот ден е исполнет со звуци од бомби и страв дали дали ќе преживее уште еден ден...



Оваа тинејџерка опишала како изгледа ситуацијата во оганот на војната со пораки на Twitter. Ниту еден појадок не поминува без експлозија на бомба, кога ќе погледне низ прозорец секој ден гледа автомобили како горат, а нејзиниот татко неврохирург и ги покажал најстрашните последици од војната, оние со кои мора да се соочат децата.

„Ова е мојот крај, не можам да ги сопрам солзите, можеби ќе загинам вечерва“, напишала Фара после вчерашниот бомбашки напад, поради кој загинале 10 Палестинци, од кои 9 биле деца.



Фара со својата 6-годишна сестра по трет пат ги преживува конфликтите во својата земја, а одењето на училиште и дружењето со другарчињата е нејзиниот недостижен сон.

„Седиме во мрак, немоќни, надвор блескаат бомби и експлозии како да е пладне, слушаме само експлозии“, напишало исплашеното девојче.

„На 25 јули судирите се прекинати на 12 часа, на улица сум, се шетам, шетам и шетам, многу сум возбудена“, напишала тогаш Фара.



Преплашената Фара е лута што е скратена од детството.

„Кога ви се потребни толку протести само за да му кажете на светот дека бомбардирањето на децата е погрешно, ќе сфатите дека хуманоста е мртва“, рекло мудрото 16-годишно девојче.