Се што ви паѓа на ум за време на летните горештини е да отворите фрижидер, евентуално по некоја ладна торта...



Затоа одлучивме да ви го дадеме овој домашен и вкусен рецепт за да си направите сладолед торта со бисквити.

Потребно:

- 2 големи кутии бисквити,
- 10 јајца,
- 150 гр шеќер во прав,
- 250 гр маргарин,
- 250 гр чоколадо,
- 2 кесички шлаг,
- 500 мл млеко,
- 3 ванилин шеќер.

Подготовка:

Калапот за торта обложете го со фолија, наредете ги бисквитите натопени во млако млеко со шеќерот од ванила по страните и на дното на калапот. Маргаринот изматете го со шеќерот во прав и додадете ги жолчките од јајцата во меѓувреме. Во тоа додадете го растопеното чоколадо, белките од јајцата и изматете ги. Филот ставете го во калап, а одозгора наредете ред од бисквити. Ставете го тоа во замрзнувач, а неколку часа пред сервирање извадете го, превртете го на тацна, украсете и послужете.