Некогаш имаме време за подготовка на убави јадења, но некогаш немаме и ни е потребен брз рецепт за јадење...



За да им излеземе во пресрет на љубителите на пица, им откриваме брз рецепт за вкусна пица.

Потребно:

- 2 чаши јогурт (3.2%)
- 3 чаши брашно
- 10 гр прашок за пециво
- 2 лажички сол
- 300 мл томато пире
- 150 гр шунка
- 150 гр кашкавал
- 100 гр чаен колбас
- 2 свежи домати
- 1 долга зелена пиперка
- оригано по желба и вкус

Подготовка:

Ставете јогурт, брашно, прашок за пециво и сол и измешајте ги. Замесете меко тесто и по потреба додадете уште 1-2 лажици брашно за да не ви се залепи тестото. Преполовете го тестото, развијте две пици од него и ставете ги во тепсија обложена со хартија за печење.

Секоја пица премачкајте ја со пире од домати, а одозгора распоредете ја шунката, парчињата од колбасот, рендано сирење, парчиња од домати и пиперка и оригано.

Испечете ги пиците во претходно загреана рерна на температура од 200 степени, во време од 20 минути.