Селфи фотографиите во рекордно брзо време се претворија во еден од најпопуларните начини за сликање на сам себе...



Овој „заразен“ тренд ги окупира сите социјални мрежи, на кого не можеа да му одолеат ниту познатите личности, кои ги пренатрупуваат своите профили со таков вид на аматерски фотографии.

Трендовите се менуваат од ден на ден, што го потврдуваат најновите селфи, кај кои лицето на убавиците воопшто не им е важно. Станува збор за фотографии кај кои раката е во прв план, но не поради маникирот, туку поради дијамантскиот прстен кој симболизира вечна љубов.

Селфијата со свршенички прстени за многу брзо време ги преплави социјалните мрежи, а познатите дами со нетрпение чекале да ја споделат својата воодушевеност од скапиот и романтичен накит.