Срамежливост се поврзува со негативно однесување - со тешкотија за одржување на контакт со очи, чувство на пониженост и отуѓеност...



И покрај сето тоа, сепак постојат одредени работи поради кои срамежливите луѓе успеваат.

1. Мислители

Срамежливите луѓе многу размислуваат, но не на лош начин, за лоши работи. Деталното размислување е многу важно, затоа што луѓето кои многу размислуваат имаат поголема способност за донесување на важни одлуки. Меѓутоа, сепак треба да се има граница, бидејќи премногу размислување некогаш може да биде и штетно.

2. Набљудувачи

Срамежливите луѓе често собираат различни делчиња од разговорите во своето опкружување, а потоа ги користат на добар начин. Додека молчат и набљудуваат, истовремено впиваат нови информации.

3. Умеат да сослушаат

Иако повеќето луѓе мислат дека срамежливите луѓе се исклучени од разговорите, всушност не е така. Тие можат да бидат најдобри слушатели, бидејќи се сочувствителни и се обидуваат да го разберат она што им се кажува.

4. Важно им е што мислат за нив

Една од причините зошто срамежливите луѓе се чувствуваат непријатно меѓу други луѓе е тоа што им е важно што мислат другите за нив. Сепак општо познато е дека не треба толку да се грижите што мислат другите за вас.

5. Не се секогаш интровертни

Срамежливоста и интровертноста се користат често како синоними, но не е исто. Заедничко кај овие две особини е што имаат подобри резултати на училиште и полесно учат, што го потврдиле голем број на истражувања.