Вашето однесување дури и да е во некоја повремена форма, може многу лесно да ви премине во навика...



Понекогаш не сме свесни каков впечаток оставаме со нашето однесување на околината. Да наведеме неколку лоши навики кои можеби ги поседувате и ви пречат да напредувате во кариерата.

1. Постојано се жалите од работата

Ако имавте стресови денес на работа, нормално е дека сакате малку воздух и да се искажете некому, но проблемот ќе настане ако го направите тоа пред погрешната личност. Никогаш не знаете кој ве слуша, чита, а во најлоши случаеви сето тоа да дојде и до вашиот шеф.

2. Постојано сте негативни

Ако постојано доаѓате на работа нерасположени и ширите негативна енергија, колегите ќе почнат да ве избегнуваат.

3. Зависност од социјални мрежи

Ако станавте зависник од социјалните мрежи секогаш кога ќе седнете на компјутер, дури и за време на пауза од 10 минути, тогаш вашата продуктивност опаѓа.

4. Секогаш го кажувате тоа што го мислите

Постои голема разлика помеѓу искрен однос и користење на вистината како оружје за да се повредат другите. Во професионалното опкружување важно е да размислите за последиците пред да кажете нешто што го мислите.

5. Не правете будала од себе

Ако сакате да кажувате вицеви и да ги засмејувате другите и затоа сите ве сакаат во канцеларија, внимавајте, затоа што ваквото однесување е меч со две острици. Во одредена ситуација кога ви е важно да ве сфатат, може да помислат дека не сте сериозни.