Позицијата менаџер обично се поистоветува со лидерски својства, но оваа Инфографика всушност ги открива големите разлики помеѓу овие поими...



Не е спорно дека менаџерската позиција бара висок степен на образование и знаење во работните процеси, но дали добриот менаџер е и добар лидер, особено ако работите ги гледаме од перспектива на компанијата од аспект на лидерските карактеристики? Не мора да значи, но добриот менаџер најчесто е „послушен и доверлив војник“, кој настојува да ги исполни сите задачи што му ги поставува компанијата, без дополнителна потреба сам да понуди нови, квалитетни и иновативни решенија.

Поедноставно кажано, добриот менаџер ги исполнува сите задачи што му ги дава компанијата, додека менаџерот кој е воедно и лидер, ќе направи чекор напред, ги пробива границите, бара од себе и својот тим да го создадат и реализираат дури и она што било наизглед неостварливо, невозможно и недофатливо за нив.

Затоа проучете ја оваа Инфографика, која ги разграничува главните разлики помеѓу добриот менаџер и родениот лидер.