Факт е дека со денешната технологија физичките разгледници се испраќаат се помалку, погледнете колку силна емотивна порака испраќа „обичната хартија“...



Во периодот на паметни телефони и компјутери, речиси заборавивме што значи да добиете разгледница од ваши блиски и сакани личности. Трендот на испраќање физички разгледници е во опаѓање уште кога почна да се развива новата технологија, но разгледниците сепак ќе постојат засекогаш, исто како и книгите.

Агенцијата „Lemz Amsterdam“ направила кампања која покажува нешто што денес ретко може да се види - реакција на луѓе, во овој случај мајката, кога ќе отвори вистинска разгледница. Агенцијата вградила мала камера во разгледницата и ја снимала реакцијата на луѓето кога ја прочитале пораката на своите најмили, а подоцна им го покажала видеото.

Погледнете го ова видео, па можеби следниот пат и вие ќе одлучите да пратите порака преку хартија наместо СМС или порака на Facebook.