Кетрин Деприл (27) преку Facebook апелирала до луѓето да и помогнат да ја пронајде својата вистинска биолошка мајка...



Мајка и ја напуштила како бебе, но таа сепак решила да ја најде и успеала. Девојката ја пронајде својата мајка, која ја оставила во тоалетот на ресторанот за брза храна „Burger King“ неколку часа откако се родила.

„Ја добив прегратката која ја посакував 27 години. Таа е најдоброто нешто што можам да го замислам. Толку е слатка и фантастична. Пресреќна сум“, вели Кетрин после средбата со мајка и во истиот град, Алентаун, каде била напуштена.

Фотографијата која ја објавила Деприл на Facebook е споделена 30.000 пати.

„Беше многу потресена што морала да ме напушти, но сепак не го сакала тоа, туку немала избор. Тогаш имала само 17 години. Ме оставила затоа што знаела дека ќе ме пронајде“, раскажува Кетрин, која го добила прекарот „Бебето од Burger King“.

Адвокатот на Кетрин рекол дека нејзината мајка останала бремена откако била силувана додека била на пат во странство. Бременоста ја криела од своите родители, а бебето го оставила во ресторанот за да не мора да одговара на сите прашања што ги поставуваат во болниците.