Кога Никола Тесла одлучил да остане неженет, имало голем број на љубопитни луѓе кои сакале да дознаат зошто овој генијалец се одлучил на соло живот...



„Отсекогаш сметав дека жената ги поседува тие нежни и суптилни квалитети на умот и душата, кои од тие аспекти ги правеа повеќе супериорни од мажите... Ја ставав жената на пиедестал и во тие неколку особини ја ценев многу повеќе од мажите. Им се восхитував и ги издигнував како и секој вистински обожавател, се чувствував недоволно вреден за објектот на своето обожавање“, рекол Тесла.

„Но сето тоа беше во минатото. Сега, оваа жена, нежниот глас што го обожавав исчезна. На нејзино место дојде жената која мисли дека нејзиниот главен успех во животот е да биде колку што може повеќе како маж - во облекувањето, однесувањето, спортот и достигнувањата од било кој вид“, додава генијалецот.

„Жените стануваат посилни од мажите, и физички и ментално. Светот доживеа многу трагедии, но според моето мислење, најголемата трагедија од сите е моменталната ситуација во која жените се против мажите и во многу случаеви успеваат да ги узурпираат нивните места во професиите и во индустријата. Оваа растечка тенденција на жените да ги засенат мажите е знак на цивилизација во пропаѓање“, објаснува тој.

„Исчезна и задоволството од животот на жената. Таа е амбициозна во намерата да го добие она што го сака, а тоа често ги надминува нејзините можности. Тие често забораваат дека не можат сите жените да бидат примадони и филмски ѕвезди“, објаснува еден од најголемите генијалци за жените.

Дали овие ставови на Тесла се напредни или назадни, кои се можеби револуционерни за 1924 година, проценете сами и оставете коментар со вашето мислење.