Во некои минати времиња сложувањето на Рубиковата коцка означуваше општа чест и се ширеше како епидемија низ светот, а многумина беа уверени дека играчката ја поттикнува генијалноста и го развива интелектот...



Дефинитивно Рубиковата коцка е нешто што секое дете, дури и во денешно време треба да ја има и да ја проба, и покрај тоа што има компјутери, таблети, паметни телефони и друго.

Денес децата не си играат масовно со неа, иако таа се уште е тука, а постојат и голем број на луѓе кои страствено ја сложуваат. Еден од нив е Кевин Хејс од Сиетл, Америка, кој има 19 години и спаѓа во категоријата „speedcuber“. Се работи за луѓе кои за многу краток период ја сложуваат Рубиковата коцка, тоа е нивната омилена дисциплина и сакаат да бидат најдобри на светот во тоа.

Хејс во ова видео успева да го надмине светскиот рекорд во брзина на сложување на Рубикова коцка. Сложуваше коцки од 2x2, 3x3, 4x4, 5x5, 6x6 и 7x7, за што вкупно му беа потребни 6 минути и 23 секунди.

„Кога прв пат почнав со `speedcubing` имав по два-три часа дневно, но со текот на времето почнав се поинтензивно и резултатот е ова што го гледате. Уживам во тоа, макар што морам да кажам дека оваа вештина не ми беше од голема помош во другите аспекти во мојот живот“, признал Хејс.