Повеќето луѓе кога ќе се разбудат ретко успеваат да се сетат барем на дел од своите соништа, а француските научници сега имаат одговор на тоа прашање...



Додека спиеме во текот на ноќта доживуваме неколку циклуси на РЕМ фази, односно сонуваме неколку пати во текот на ноќта. Според тоа, има два вида на спијачи: оние кои повеќе пати неделно памтат дека нешто сонувале и оние кои воопшто не можат да се сетат на нивните соништа, дури ниту неколку пати месечно.

Луѓето кои често имаат "живи", односно луцидни соништа се ретки, а преку томографија може да се види дека нивнот мозок е многу активен додека спијат, особено Центрите за меморија. Така тие имаат многу лесен сон од кој лесно се будат.



„Поентата е во тоа што мозокот на луѓето што се наоѓаат во длабок сон не е во состојба да ја зачуваат новата информација. За да запамтиме се што сонуваме, потребно е да бидеме полу-будни. Затоа најлесно ги памтиме соништата што сме ги сонувале пред да станеме од кревет“, објаснува авторката на истражувањето објавено во списанието "Neuropsychopharmacology", докторката Перин Руби.