Кога одите на интервју за работа веројатно очекувате прашања како "кои се вашите предности и недостатоци?", или "каде се гледате себеси во наредните пет години?"...



Подобро е да се подготвите за сè, за да не ве изненади како на пример ова прашање: "зошто тениските топки се влакнести?". (Ова прашање го добил кандидат за работа - менаџер на компанијата Xerox)

Еве уште неколку чудни прашања:

- Дали сте попрво колекционер или ловец? (работа за сметководител во Dell)

- Кога би тргнале на пуст остров и можете да однесете три нешта, што би понеле со вас? (интервју за работа во Yahoo за аналитичар на квалитет)

- Колку квадратни метри пица секоја година се јаде во САД (за програмер -аналитичар во Голдман Сакс)

- Ако имате кутија од житарици, што би сакале да бидете и зошто? (за деловен соработник во Bad, Bath & Beyond, компанија за производство на мебел)

- Ако правите забава во Zapos, каков вид на забава би била? (за работа во сервисот за клиенти во Zapos, која се занимава со трговија на облека)

- Како работи интернет? (за директор на Akamaija - информатичка технологија)

- Каква боја имаат парите? (прашање за проект менаџер во AHA - непрофитна организација која им помага на пациентите со срцеви заболувања)

Понекогаш, комисијата сака само да види на кој начин размислувате. Дали тоа значи дека не постои точен или неточен одговор?

На пример, во случајот на прашањето „колку квадратни метри пица се јаде во САД на годишно ниво“, одговорот ќе биде - "просечната пица во САД е 0,2 квадратни метри. Ако во САД живеат 300 милиони луѓе, кои јадат X број на пици годишно..." - не е важен точниот краен одговор, туку начинот на кој доаѓате до него.

Ако станува збор за прашањето за Zapos, комисијата сака да утврди дали се вклопувате во нивната филозофија.

Најлошото нешто што може да ви се случи е некој да ви постави чудно прашање и да ве изненади и да ве збуни. Ако немате идеја што да одговорите, нема ништо лошо во тоа да земете длабок здив, да паузирате, да поставите вие некое прашање... за да добиете на време додека не ви текне начин за да се извлечете.