Младиот Американец графички дизајнер по занимање, Роби Кавано, од мулти-функционален фотограф, се развил до стилски ликовен мајстор...



Неговите дела во последните две години станале препознатливи од голем број меѓународни уметнички списанија, кои со задоволство го интервјуирале, а самиот вели до fine-art дошол со помош на фотографирање на портрети и венчавки.

Тој истакнува дека најмногу време поминува во пост-процесот и размислувањето на кој начин да ги презентира своите идеи како визуелни загатки.

Кавано ги истражува негативните емоции во дигиталните медиуми како страв, ги испитува границите на менталните конфликти, а често се обидува да ги интерпретира и своите соништа. Во последниве години е наклонет кон бегање од реалноста, со намера да ја издигне реалноста на ниво на трансцеденталното.

Вообичаено за само една сцена, фотографирањето трае од 5 до 30 минути, во зависност од намерата на крајната реализација. Така одредени композиции се резултат на чиста експозиција, а некои се исклучиво самоманипулација во Photoshop.