Симпатичниот боксер по име Ксандер, кој за несреќа останал без двете очи, за многу краток период ги освојува сите интернет корисници со својот изглед, а најмногу затоа што им помага на луѓето...



2-годишното куче минатата година се појавило во засолниште во Орегон, а биле потребни само неколку дена за да го усвојат. Увидувајќи колку е шармантно, игриво и весело ова куче и покрај своето слепило, Родни Биди веднаш решил да го однесе дома.



Родни знаел дека кучето Ксандер би можело да биде добар терапевт, па заедно со сопругата решиле да го сертифицираат како куче - терапевт.



Ова слепо куче денес успешно им помага на жртвите од семејно насилство во безбедна куќа во Кламет Лејк, а тамошните вработени веруваат дека Ксандер има природна дарба да ги усреќи луѓето и да направи да се чувствуваат подобро.



Иако не гледа, тоа не е пречка да слушне или да почувствува кога некому не му е добро или е тажен, па оди до тоа лице и му помага така што ќе биде покрај него.