Новогодишната ноќ често може да заврши и катастрофално на крај...



Ова е списокот за можни црни сценарија кои може да се случат во најлудата ноќ.

DJ пушта лоша музика

За оние што сакаат да го освојат подиумот со играње, лошата музика е најлош кошмар.

Дадилката откажува во последен момент

Дадилката добила понуда што не може да ја одбие и наместо да го чува вашето дете, таа оди на забава. Ви посакуваме многу среќа , бидејќи сите статистики покажуваат дека за новогодишната ноќ е најтешко да се најде дадилка!

Пријатели откажуваат во последен момент

Сите пријатели со кои треба да го прославите дочекот имаат лоша вест за вас - не можат да дојдат со вас. Ова не значи дека никој не ве сака, такви работи може да му се случат на секого. Најдете си резервен тим.

Пребрзо се опивте

Не е ниту полноќ, а вие веќе ја прегрнувате WC школката. Имајте на ум дека цела ноќ е пред вас и не мора одеднаш да ставите се во себе. Совет: јадете нешто пред да одите на забава.

Сите на сите им честитаат, а вие стоите

На полноќ почнува честитањето, а сите одат кај други да си честитаат, додека вие стоите и чекате да дојде некој кај вас, бидејќи изгледа како сите да ве избегнуваат. Заиграјте си, во секој случај ќе дојде некој и кај вас.

Неусогласени часовници

Наместете ги часовниците да не ви се случи да ја дочекате Новата Година во тоалет поправајќи ја шминката.

Се служи алкохол што не ви се допаѓа

Плативте влез во кој е вклучен и пијалок, но, го нудат само оној што не ви се допаѓа и не го пиете никогаш.