Рејчел Хоуп од Лос Анџелес сака уште еднаш да стане мајка, но се уште не знае кој ќе биде татко на нејзиното идно дете...



Инаку таа не ја бара својата љубов, туку некого со кого би го одгледувала своето дете.

Рејчел има веќе две деца од различни татковци: едниот и е најдобриот пријател од детството, а со другиот во моментов престојува.

Меѓутоа ниеден од нив не сака повеќе деца, затоа Рејчел одлучила да побара друг од популарната страница „Modamily“.

Името на страницата е комбинација од зборовите „modern“ и „family“, на која можете да најдете лице со кое ќе го направите детето, а подоцна и ќе го одгледате.



На оваа страница само за областа за Лос Анџелес веќе има над 5.000 регистрирани корисници. Слични страници постојат и за хомосексуалци и лезбејки, кои сакаат да добијат дете. Преку оваа страница корисниците можат да го изберат лицето што најмногу им се допаѓа. Кога ќе пронајдете што најмногу ви одговара и кога ќе се запознаете доволно добро, потпишувате договор за заедничко родителство, се прават потребните безбедносни проверки и целиот процес за добивање на детето може да започне.

Преку оваа страница се извршуваат сите најважни преговори за заедничко родителство, па дури и начинот на кој корисниците сакаат да ги добијат децата - по природен пат или со вештачко оплодување. Во повеќето случаи "двојките" се одлучуваат за вештачко оплодување. Постојат и луѓе кои не се согласуваат со овој начин на добивање на деца.