Едуардо Камарго од американскиот град Бриџпорт ослабел 18 килограми за помалку од два месеци, за да може да донира дел од црниот дроб на својата ќерка Џезлин...



После раѓање на неговата ќерка и било дијагностицирано билијарна атрезија, болест која се јавува кога има пречки на жолчните канали или воопшто ги нема.

Лекарите се обиделе да му помогнат на девојчето, го оперирале 2 пати, но, единствениот спас бил трансплантација на црниот дроб.

30-годишниот Камарго веднаш одлучил тој да донира дел од црниот дроб. Тој и неговата сопруга имаат уште две ќерки и сметал дека мајка им е повеќе потребна на девојките отколку татко, па затоа ја донел таа одлука.

Во тој момент имал 95 килограми, поради што не бил соодветен кандидат , бидејќи има т.н. "замастен црн дроб" што е вообичаено кај луѓето што имаат прекумерна тежина.

Затоа Камарго веднаш одлучил да почне да вежба, се зачленил во теретана, секое утро џогирал пред работа и се хранел здраво.

Мислел дека нема да успее, но, за 2 месеци подоцна, во ноември минатата година, целиот вложен труд се исплатил. Тој ги намалил мастите (најмногу дозволено за трансплантација било 10% масти во црниот дроб) на 2%.

Трансплантацијата буквално во последен момент била успешна. Ден пред закажаната операција, црниот дроб на Џезлин почнал да откажува, што значи дека најверојатно ќе умрела доколку операцијата не се извршела предвремено. Следниот ден ги оперирале таткото и ќерката, а денес и двајцата се живи и здрави.