Познато е дека животните имаат несебична љубов према сите суштества, па дури и кога станува збор за кученца...



Оваа приказна е за мачката, која освен своите четири маченца, го посвоила и малото пит бул кученце.

Член на организацијата "Лига за заштита на животните" пред шест месеци во Кливленд спасил мало пит бул куче и го однел во засолништето на организацијата каде работи. Малиот пит бул го крстиле Ноланд, а членовите на оваа организација веднаш започнале потрага по мајката на Ноланд. За жал, истрагата била неуспешна.



„Дознавме дека мајка му на Ноланд, Моли, гладувала и на крај била фрлена на улица. Додека била бремена сопственикот ја малтретирал, ја држел врзана зад куќата и на крај ја исфрлил на улица“, изјавиле од организацијата.



Во прифатилиштето цело ова време го дружела мачката по име Лурлен со своите четири новороденчиња. Ноланд подоцна бил усвоен.

„Ноланд многу добро се вклопил со своето ново мачјо семејство“, изјавила Џуди Хантер, директор на организацијата, за Huffington Post.



Кога проодел и се осамостоил, Ноланд бил одвоен од неговата "маќеа" и е префрлен на место каде се чуваат други напуштени кученца на негова возраст. за само неколку недели таму научил да се однесува како куче. Ноланд сега веќе е малку потпораснат пит бул, чекајќи да биде вдомен од некого.