Ако сакате годинава да внесете промени при украсувањето на елката, погледнете ги нашите препораки...



Минималистички бело

Ако сакате топла зимска атмосфера без кич, обидете се со овој стил. Испрскајте ја елката со снег во спреј.

На подножјето ставете купови од памук, ставете плишани и било какви партали, неколку листови или цвет од текстил. Можете да си поиграте и со јажето, од кое со вешти раце можете да направите интересни украси.



Сребрено и отмено

Некои луѓе сакаат класика, големи црвени топки, златен сјај, а метал сребрената боја е најновиот тренд во декорирањето.

Можете да изберете зелена или бела елка, двата модела ќе изгледаат одлично. Сето тоа надополнете го со свеќи и лампи насекаде и ќе добиете убава празнична атмосфера.



Црвена радост

Ако сакате класика, имате уште една варијана со црвени топки во сите облици и големини. Додадете и венци, лампиони, штипки, било што во сличен стил што ќе биде интересно.



Шарени лампиони

Ако навистина ја чувствувате празничната еуфорија, тогаш опуштете се и закачете на вашата елка се што ќе ви падне на ум. Во ред е ако сакате кич, комбинирајте ги парчињата, боите и формите што не си одговараат, само доколку вие тоа го посакувате. Нова година е само еднаш годишно, уживајте!