И нашето чувство за праведност се одмара. Во попладневните часови ни е полесно да излажеме некого...



Зошто? Од попладне па натаму "моралниот компас" се заморува и тогаш полесно ни е да излажеме некого, покажуваат резултатите од истражувањето на Харвард и Универзитетот во Јута, објавено во научното списание „Psychological Science“.

Истражувањето било спроведена во четири различни фази. Во првите две побарале од студентите да го идентификуваат точниот број на точки што им се појавувале на левата и десната страна од екранот.

Учениците потоа биле „наградувани“ врз основа на тоа кој ќе ја завршел задачата (но не врз основа на точноста на одговорите) и добивале повеќе пари ако кажувале дека виделе повеќе точки на десната страна.

Во преостанатите две фази имало учесници од сите делови на САД, благодарение на страницата на Amazaon, Mechanical Turk, сервис кој врши истражувања на интернет.

Учесниците во првата група требало да му испратат вистински или лажен мејл на виртуелен партнер, за што добивале 25 центи (за искрена порака) и 50 центи (за измислена порака). Втората група решавала виртуелна сложувалка за пари, кои ги добивал секој што ќе соопштел дека ја завршил задачата (а не на оној што навистина ја завршил).

Се покажало дека на сите учесници им било полесно да излажат во попладневните часови, а тоа им се случувало пред се на оние што се окарактеризирале себеси како чесни и дека имаат чувство на вина кога ќе излажат. Оние кои пред испитувањето рекле дека лажат без проблем, биле помалку чувствителни на "ефектот на попладне" и лажеле без исклучок и претпладне и попладне.