Рајан Смит (16) од британското место Чапел Сент Леонардс, на 22 јули доживеал несреќа кога паднал од велосипед и претрпел сериозни повреди на главата...

Поради тоа паднал во кома и дури пред неколку дена се разбудил.

После четири месеци лекарите не давале надеж дека има добри шанси овој млад човек да преживее. Сепак, се се променило минатата недела. Прво Рајан длабоко воздивнал, а потоа ги поздравил родителите кои цело време биле со него во болница. Неговата сестра со телефон го снимала моментот кога синот го прегрнал неговиот татко веднаш по излегувањето од кома.



„Беше неверојатно. Од моментот кога ми рекоа дека не може да преживее, до моментот кога ме прегрнува. Тоа ќе го паметам секогаш, бидејќи тоа беше најдобрата прегратка во мојот живот“, рекол неговиот татко.

Рајан го чека шестмесечна рехабилитација, а неговите родители велат дека ќе се залагаат за построги закони за носење кацига, која тој во несреќниот момент ја немал.