Сигурно нема да ве шокира фактот што мажите поминуваат премногу време гледајќи во вашите гради, но, дали знаевте дека истото важи и за жените...

За да дознаат колку се гледа во градите на жената, истражувачи од Линколн, Универзитетот во Небраска, ангажирале 65 студенти (29 жени и 36 мажи) и им дале да видат 30 фотографии од 10 различни жени, следејќи ги движењата на нивните очи со посебен уред.

Фотографиите се направени на тој начин што ќе покажуваат жени со различни тела.

И мажите и жените поминале повеќе време гледајќи во градите и половините на телото, отколку лицето.

Ова е спротивно со британско истражување, кое открива дека 70% од мажите најпрво ги забележуваат очите на жените.

Разликата е во тоа што американското истражување се базира на мерење на активност со очите на испитаниците, додека британското истражување се базира врз изјавите и верувањата на испитаниците.