Кинески крадец ги копирал броевите од украдениот iPhone и му ги препратил на сопственикот со 11 страници рачно испишан текст...



Се верува дека Жу Бин бил ограбен додека се возел во такси со друг патник. Жу имал речиси 1000 броеви во контактите, но немал резервна копија, па затоа повеќе се загрижил за оваа листа од телефонот.

„Знам дека си ти тој што седеше до мене. Ти гарантирам дека ќе те најдам. Погледни ги контактите во мојот мобилен и ќе сфатиш со каква работа се занимавам“, напишал Жу во пораката што ја пратил на бројот на украдениот телефон.

Неколку дена подоцна пристигнало писмо со SIM картичка и 11 страници рачно напишани телефонски броеви од телефонскиот именик на украдениот телефон.

Жу вели дека е шокиран и претпоставува дека на крадецот му отекла раката од пишување на толку многу имиња, броеви и други податоци.

Еден корисник на Weiboa, кинеската верзија на Твитер, напишал: "Добар и совесен крадец - еден од оние кои ја почитуваат професионалната етика“.