На оделот за пластична хирургија на Универзитетот Case Western Reserve во Охајо неодамна беше спроведено истражување во кое биле вклучени 79 близнаци од 18 до 78 години...

CNN пренсува дека фотографиите се поделени во две категории, а нивната цел е да покажат колку пушењето е штетно за здравјето.

Во првата категорија се наоѓаат близнаци кај кои едниот бил долгогодишен пушач, додека другиот никогаш не пушел. Оние кои пушеле цел живот се наоѓаат во друга категорија, со тоа што постои разлика кога близнаците почнале да пушат.

Двајца лекари и еден студент од медици ги проучувале лицата од фотографиите доаѓајќи до заклучок како во првата категорија фотографии разликата во изгледот е дури 57%, што значи дека непушачите токму толку проценти изгледаат помладо од својот близнак пушач.

Во друга категорија, оние близнаци кои пушеле подолго време изгледаат 63% постаро.

"Пушењето ја намалува формацијата на колаген, што резултира со намалување на циркулацијата во кожата. Исто така никотинот ја намалува дебелината на кожата, а тоа влијае на нејзината еластичност поради што доаѓа до прерано стареење. Оваа студија всушност само уште еднаш го докажа она во што веќе долго верувам", рекол др. Бахман Гејурон.