Ако треба да прашате некого нешто важно и не сакате да ве излаже, направете го тоа пред пладне, затоа што попладне сме склони на измама и лажење, тврдат американски истражувачи...

Резултатите од студијата на психилозите од Универзитетот Харвард потврдиле дека претходните истражувања кои покажале дека нашата способност за самоконтрола слабее како што изминува денот, како последица на заморот и постојаното донесување на одлуки.

Волонтерите кои биле подложени на тестирање значително повеќе мамеле попладне отколку пред пладне, а онлајн тестовите откриле дека луѓето праќаат далеку полажни пораки во попладневните часови.

Ова разлика е посебно изразена кај лицата со високи етички стандарди, кои во текот на пред пладневните часови се однесуваат во склад со моралните начела, но попуштаат како што изминува денот.

За разлика од нив, лицата на кои моралното однесување не им е претерано важно или кои се без грижа на совеста се однесуваат неетички, мамат и лажат без оглед за кој период од денот станува збор.

"За жал, најпоштените луѓе се најчесто жртви на негативни последици од овој ефект", рекла водичот на истражувањето, др. Мирјам Кучаки.

Резултатите од истражувањето би можеле да бидат од корист за организациите кои треба да обрнат повеќе внимание на однесувањето на клиентите и вработените во текот на попладневните часови, смета таа.

"Нашите наоди покажуваат дека во тој временски период добрите луѓе систематски престануваат да се однесуваат нормално", објаснила др. Кучаки.