Новата верзија на бајката за Снежана е планирана како трилогија...

Џо Рот, продуцентот на очекуваниот филм Snow White and the Huntsman (Снежана и ловецот), на медиумите им обелодени дека нивната адаптација за приказната за Снежана ќе биде развлечена дури во три дела.

Коњот на Universal во тргката за филм кој најдобро ќе се надогради или повторното прераскажување на познатата бајка за Снежана, веројатно ќе стане трилогија, што не е ни чудо ако го земеме фактот дека сите „бајковити“ филмови чија цел се тинејџерите кога-тогаш мораат да бидат крунисани со најмалку две продолженија.

Продуцентот Џо Рот откри дека таков ќе биде случајот и со нивната амбициозна адаптација на оваа добро позната приказна. Станува збор за филм кој во кино салите би требало да се појави во средината на следната година, а во главните улоги ќе се појават Кристен Стјуарт (Twilight), Крис Хемсфорт (Thor), Шарлиз Терон (Monster) и уште цела плејада одлични драмски актери кои ќе ги отелотворат џуџињата, а меѓу кои се наоѓаат Иан Мек Шејн, Боб Хоскинс, Еди Изард, Стивен Грем и Реј Винстон.

Станува збор за нов потфат на продуцентот на „Алиса во Земјата на чудата“ на Тим Бартон, а се трка со подеднакво амбициозниот проект „Снежана“ во кој главната улога ја имаат Лили Колинс и Џулија Робертс.