Ѕвездата од серијата Gossip Girl, Пен Беџли, ќе го глуми славниот музичар во филмот чие снимање би требало да започне кон крајот на летото...

Филмот ќе се занимава со односот на пејачот Џеф Бакли и неговиот татко, легендарниот фолк пејач Тим. За главната улога во филмот, кој за сега се вика Greetings From Tim Buckley се натпреваруваа Џејмс Франко и Роберт Патинсон, но на крајот ја доби Пен, ѕвездата од популарната тинејџерска серија.

Продуцентите велат дека изборот бил логичен затоа што за оваа улога бил потребен актер кој веќе играл музичар, но не е многу популарен затоа што „не сакаат филмот да им биде познат поради актерот“.

Филмот ќе го следи младиот Бакли, кој се бори да излезе на крај со наследството на својот талентиран татко, сето тоа од концертот од 1991 година, на кој Џеф изведе песни кои неговиот татко ги напишал.

Џеф Бакли беше еден од најталентираните музичари во својата генерација, но неговата кариера и живот нагло беа прекинати во 1997 година со давење во реката Волф во американската држава Тенеси.