Филмското студио Sony потврди дека наскоро почнува снимањето на вториот дел од филмот Salt...

Анџелина Џоли повторно ќе се појави во улога на Евелин Солт, агент на CIA кој во првиот дел бега откако е обвинета дека е руски шпион, а сценариот повторно ќе му биде доверено на Курт Винер.

Џоли уште во август минатата година изјави дека би сакала да сними втор дел од овој шпионски трилер, но од студиото одлучија да почекаат за да ги видат реакциите на публиката ширум светот на првиот дел од овој филм.

„Од секогаш сум сакала да го играм легендарниот Џејмс Бонд, а Солт ми е најблиска и затоа оваа улога посебно ја сакам“, изјави славната актерка која сите опасни сцени во филмот ги одглуми без каскадер.

Со обѕир дека ова и е една од најомилените улоги несомнено е дека истото ќе се случи и со продолжението.

Режисеорт Филип Нојс нема повторно да седи на режисерското столче, а кој ќе го замени за сега не е познато.