Агентот 007 се враќа на големото платно во октомври 2012 година...
Новиот, 23 по ред, филм за Џејмс Бонд, во кината би требало да се најде до крајот на октомври 2012 година. За сега не е објавено името на новото продолжение. Џејмс Бонд повторно ќе биде отелотворен од страна на Даниел Крег, а за режијата е задолжен Сем Мендес.
Во почетокот на оваа година се појави информација дека Хавиер Бардем би требало наводно да го глуми негативецот против кој Крег ќе се бори. Улогата на Бардем му ја понудиле продуцентите Мајкл Џ. Вилсон и Барбара Броколи наводно истата недела кога добил номинација за Оскар за својата улога во филмот Biutiful, а добил понуда да го глуми и Роналд Десчејн во филмската трилогија на Рон Хауард базирана на серијата романи од Стивен Кинг, The Dark Tower (Мрачната кула).
