Актерот Орландо Блум ќе се врати како елфот Леголас во новиот дводелен филм од Средната Земја, The Hobbit (Хобитот)...

Тоа беше филмски проект со продукциски проблеми и непредвидени одложувања.

Но, денеска имаше добри вести за фановите на The Hobbit затоа што беше потврдено дека ѕвездата од „Господарот на прстените“, Орландо Блум, ќе се врати како елфот Леголас во многуочекуваните филмови.

Режисерот Питер Џексон ги потврди вестите на неговата официјална фејсбук страница, пишувајќи: „Пред десет години, Орландо Блум создаде иконски лик со неговото портретирање на Леголас. Возбуден сум што објавувам денеска дека повторно ќе ја посетиме Средната Земја заедно со него. Превозбуден сум што ќе работам со Орландо повторно. Интересно нешто е што јас изгледам постаро, а тој не! Претпоставувам дека затоа тој е толку прекрасен елф.“

Орландо ќе му се придружи на тимот за снимањето на дводелната франшиза во Нов Зеланд.

Во тимот за The Hobbit повторно ќе ги видиме филмските ѕвезди од „Господарот на прстените“, Кејт Бланшет, сер Иан Мек Кален, Енди Серкис и Илајџа Вуд.

Исто така, ќе им се придружи и на новите ѕвезди од Средната Земја, Мартин Фриман како Билбо, Стивен Фрај како Господарот на долината и Ричард Армитаџ како џуџето Торин.