На снимањето на последната сцена од последниот филм за Хари Потер, Даниел Редклиф ги симнал очилата и ги избришал солзите...

Со популарниот јунак Хари Потер кој го отелотвори Даниел Редклиф, заплакале и Ема Ватсон и Руперт Гринт на последното снимање на завршниот филм од „Хари Потер“ серијалот.

Разбирливо е Даниел, Ема и Руперт да бидат многу емотивни. Половина од своите животи ги поминаа на филмскиот сет, откако почнаа да го снимат филмскиот серијал за Хари Потер во 2000 година.

Продуцентот Дејвид Барон, кој ги надгледувал завршните фази на снимањето изјавил: „Сите тројца прснаа во плач. Тоа беше голем момент. Голем емоционално. Тоа беше крај на една ера и беше извонреден“, прнесува Mirror.

Се што останува за трите млади ѕвезди се премиерите на филмот и се разбира сувенири и спомени од Хогвортс.

Руперт го задржал знакот од куќата на Визлиеви, Ема за спомен го земала стапчето и наметката, а Даниел задржал два пара очила, едните од првиот и едните од последниот филм.