Голема сексуална тензија помеѓу Рон и Хермиона во најновата избришена сцена од последното продолжение...

Низ целиот „Хари Потер“ филмски серијал, интересно е да се гледа како се развива врската меѓу Рон и Хермиона, двајцата најдобри пријатели на Хари.

Кога се тепаат за да прикријат колку всушност си се допаѓаат еден на друг, кога си зборуваат зад грб и кога прават различни детски гестови што се дури смешни за гледање.

Меѓутоа, во најновото седмо продолжение, „Реликвиите на Смртта: 1 дел“, има избришана сцена во која Рон и Хермиона се наоѓаат во ситуација во која и двајцата очигледно ја чувствуваат сексуалната тензија.

Сцената е земена од официјалното DVD на филмот и ги покажува Рон и Хермиона како фрлаат камчиња во морето, а напнатоста меѓу нив е повеќе од очигледна.

За сите што не знаат, „Реликвиите на Смртта“ е последната книга од „Хари Потер“ серијалот, меѓутоа филмот е поделен во две продолженија поради сложеноста на заплетот.

Последниот дел од филмскиот серијал, „Реликвиите на Смртта: 2 дел“ се очекува да излезе на 15 јули оваа година, со што ќе се стави крај на огромната филмска франшиза.

Во секој случај, погледнете го видеото од Рон и Хермиона.