Ликот на Joker во најновото продолжение на филмскиот серијал за Bаtman, “The Dark Knight“, портретиран од Heath Ledger е прогласен за најдобар филмски негативец на летото. Австралиската филмска ѕвезда која почина на почетокот од годината освои 95%  од гласовите во анкетата спроведена преку веб страницата на AOL.

Во истата анкета филмот “The Dark Knight“, кој заработи 505 милиони долари само од прикажувањата во Северна Америка, победи во сите категории во кои беше номиниран, меѓу кои: Најдобро филмско продолжение, Најдобар филм со суперхерои, Најдобра акција и Филм кој најмногу ги заслужил парите.

4-тото продолжение на Indiana Jones, "'Indiana Jones and the Kingdom of the Crystal Skull', доби само 5% од гласовите во анкетата за најдобар филм во која беа забележани 646.917 гласови.

Филмската верзија на "Sex and the City" го победи "Mamma Mia" во конкуренција за Најженски филм, додека "Tropic Thunder" го победи "Pineapple Express"  во трката за Најсмешна комедија.

Летотото 2008 се покажа неуспешно за комичарите Eddie Murphy и Mike Myers.  Филмот "Meet Dave" со Murphy победи во категоријата “филм кој најмалку ги заслужува вашите пари”, а по него следуваше "The Love Guru" на Myers.

Актерот Robert Downey Jr победи во категориите Најжежок актер на летото и Најдобра комбинирана изведба за улогите во "Tropic Thunder" и "Iron Man".