Новата актерка која ќе влезе во чевлите на госпоѓица Марпл е прекрасната Џенифер Гарнер...

Госпоѓица Марпл ја знаат сите што сакаат да ги читаат романите на Агата Кристи. Старта мома душкало која го пика носот кај што не му е местото и на исклучителен начин разрешува мистерии се главните карактеристики на ликот на госпоѓица Марпл.

Таа живее во малечкото село Сент Мери Мид, а со своите проникливи сини очи и остроумно размислување ги надминува дури и детективите.

Првата „авантура“ госпоѓица Џејн Марпл ја доживува во 1927 година, во приказна објавена во The Royal Magazine, а продолжува да „работи“ во дури 12 романи на Кристи.

Госпоѓица Марпл е еден од најважните и најголемите ликови во светот на криминалните романи, и сигурно кога ќе слушнете „постара стара мома која душка наоколу“ прва на ум не ви паѓа сексипилната Џенифер Гарнер.

Меѓутоа, 38 годишната актерка сепак е избрана за глумење на ликот на госпоѓица Марпл во новата филмска адаптација на еден од романите на Агата Кристи.

Дизни го најмиле писателот Марк Фрост да ја трансформира класичната приказна за американска современа адаптација.

Каква ќе биде оваа нова гламурозна госпоѓица Марпл? Останува да видиме...