Жена која тврди дека таа го открила Twilight како потенцијален филм на големото платно бара плаќање за нејзината улога во помагање на лансирањето на една од најголемите филмски франшизи во Холивуд...

Nanette Shipley на судењето во четврток во врховниот суд во Лос Анџелес рекла дека таа била „литературен извидник“, чија работа била да ги најде потенцијални филмови за Maverick Films.

Shipley тврди дека постигнала огромен успех, помагајќи им на Maverick Films да ги пронајдат и да ги добијат правата за двете огромни филмски остварувања, Twilight и The Lightning Thief.

Таа се жали против Maverick Films и Mark Morgan дека и биле ветени 75.000 долари за нејзината поврзаност со Twilight, и 100.000 долари за поврзаноста со The Lightning Thief.

Таа вели дека и платиле само 20.000 долари и дека ги сака останатите 155.000, плус правни трошкови.

Maverick Films е независна филмска продукциска куќа основана од Мадона. Понатаму била водена од страна на Morgan, кој во 2008 барал самостална сопственост врз моменталните проекти на компанијата и повторно ги лансирал како Imprint Entertainment.

Тој бил прилично успешен, поставувајќи го Twilight со Summit Entertainment, кој заработи речиси 400 милиони долари ширум светот што водеше до четири продолженија (Breaking Dawn ќе биде прикажан во два дела) и Percy Jackson and the Olympians: The Lightning Thief со Fox, кој заработи повеќе од 200 милиони долари ширум светот.

Morgan бил недостапен за контакт.