Проблеми со фондот во Холивудското студио, заканување со бојкот од страна на актерите и операцијата на чирот на режисерот Питер Џексон ја загадија пред продукцијата на дводелниот филмски проект, вреден 500 милиони долари, но сега конечно почнуваат да снимаат...

Екипата на „Хобитот“ од денеска изјавија дека се спремни да ги вклучат камерите за новото издание на митските авантури од Средната земја, по месеци и месеци неволји со продукцијата.

Некои од филмската екипа денеска прозбореа на локација во Нов Зеланд и рекоа дека го оставаат немирното минато зад нив.

„Сите сме оптимисти, спремни за почнување“, рече англискиот актер Мартин Фриман, кој ќе го глуми Билбо Багинс.

Фриман и 13 актери кои ќе ги глумат ликовите на џуџињата рекоа дека уживале во првиот месец од пред продукцијата, во кој тренирале, јавале коњи и вежбале дијалекти за да се подготват за сцените кои опишуваат долги патишта и драматични битки помеѓу доброто и злото.

Филмовите-близнаци кои ќе се снимаат по фантастичниот роман на Џ. Р. Р. Толкин за кусиот херој со влакнести стапала, се претпоставува дека ќе им треба околу две години за да се направат, а првиот би требало да излезе на крајот од 2012 година.

„Хобитот“ е предходник на трилогијата „Господарот на прстените“ на Толкин, кои Џексон ги претвори во филмови-блокбастери од 2001 до 2003, освојувајќи Оскари за најдобар филм и најдобар режисер за третото остварување.

Снимањето на „Хобитот“ треба да почне на 21 март. Други членови на екипата, вклучувајќи ги и Илајџа Вуд и Иан Мекелен треба да се придружат до тој датум.