Рутина Весли, една од главните улоги во хит-серијата True Blood рече дека новата четврта сезона ќе биде далеку полуда од минатите...

Како американската хит-серија за вампири, True Blood, да не е доволно луда и откачена досега, една од главните протагонистки, Рутина Весли која ја глуми чукнатата Тара Торнтон неодамна изјави: „Четвртата сезона ќе биде лудница!“

Крајот на третата сезона беше навистина неизвесен, па останува само да чекаме да видиме што Алан Бол ќе ни подготви овој пат. Дали Суки ќе се врати од земјата на вилите? Дали Сем навистина го уби својот брат? И дали Тара ќе биде во Бон Темпс и во четвртата сезона, затоа што на крајот од третата таа си ја исече косата и си замина.

Сите овие прашања и беа поставени на Рутина Весли која одговори. „Тоа се големи прашања! Не можам да ви го кажам тоа. Премногу си ја сакам работата!“

Што сите не остава да почекаме и да видиме на 12 јуни оваа година.