Ѕвездата од Twilight серијалот сака да го глуми ликот на легендарниот Џеф Бакли...

Роберт Патинсон е спремен да го однесе своето глумење на повисоко ниво, оставајќи ја својата бледа блескава вампирска кожа и изострувајќи го својот глас со превземање на улогата на Џеф Бакли! Роберт им пришол на продуцентите на филмот, меѓутоа не е единствениот кој сака да ја добие улогата. Неговите колеги Џејмс Франко и Џејмс Марсден исто така се многу заинтересирани.

Продуцент на филмот потврдува: „Запознав актери кои се многу загреани за улогата, а Роберт е еден од нив. Актерот ќе мора да свири и да пее, или барем да изгледа уверливо дека може да го прави тоа.“

Меѓутоа, Патинсон има предност. Не само што ја има љубовта и поддршката на 95% од тинејџерките, туку и Mary Guibert, мајката на Џеф Бакли гарантира за него. Таа вели дека Роберт е одличен млад актер и дека ќе биде среќна ако биде поврзан со проектот.