Наоми Вотс ќе глуми во новиот филм на режисерот Клинт Иствуд насловен како J. Edgar...

По неколку месеци шпекулации дека Шарлиз Терон ќе се придружи на екипата на новиот филм J. Edgar на Клинт Иствуд во улогата на Хелен Ганди, долгогодишна секретарка на директорот на ФБИ Џ. Едгар Хувер (Леонардо ди Каприо), актерката конечно крена раце од тоа. Но, постои замена: Наоми Вотс ќе ја игра улогата наместо неа. Сега екипата за J. Edgar е речиси формирана. Според Deadline, Шарлиз Терон со сигурност го прифатила филмот Snow White and the Huntsman, а се уште е и главен избор за Prometheus на Ридли Скот. Наоми Вотс беше една од главните избори кога изгледаше дека Терон нема да прифати, па еве сме сега. Покрај Наоми Вотс и Леонардо ди Каприо, во филмот ќе глуми и Ед Вествик, еден од главните актери во популарната американска серија Gossip Girl.