Aмериканската агенција НАСА за најлош научно-фантастичен филм во историјата го проглесила остварувањето на Роланд Емериха, филмот "2012"...

Научниците велат дека не е можно честичките кои со експлозијата на Сонцето наводно на Земјата да предизвикат земјотреси, цунами и одделување на континенти, како што се случува во филмот.

Творците на овој филм веројатно сакале да го искористат стравувањето на луѓето во врска со наводното пророштво на Маите за крајот на светот во 2012 година. Меѓу најлошите научно-фантастични филмови, НАСА го одбрала "Армагедон", "Вулкан", "Шестиот ден".

За разлика од овие филмови, комплименти за реализам добиле култниот "Blade runner" на Риди Скот, кој го прикажува Лос Анџелес во 2018 година, потоа Gattaca во кој генетски инфериорен човек го превзема идентитетот на генетски супериорен човек, да се стекне со правото да патува во вселената.

Пофалени се и "Контакт" во кој Џоди Фостер бара туѓ живот со помош на радарски телескоп и "Јура Парк", каде мистеријата на ДНК е лесно објаснета.