Во план е снимањето на третото продолжение на авантурата на Роберт Ленгдон, јунак од романот на Ден Браун...

Тој ја открил тајната на светиот грал, се борел против Илуминатите, а сега Роберт Ленгдон доаѓа во Ваншингтон.

Иако критичарите и публиката не беа премногу добронамерни кон романот на Браун, продуцентите повторно побарале од писателот да ја адаптира својата последна книга "Изгубениот симбол" во филмско сценарио.

Рон Хауард, режисерот на "Кодот на Да Винчи" и "Ангели и Демони" сеуште не го потврдил своето учество во овој проект, како ни главниот актер Том Хенкс.

Првиот и вториот дел од филмот заедно заработија повеќе од 1 милијарда долари ширум светот.