Светски познатиот шпански актер Антонио Бандерас денес наполни 50 години...

Роденото име на ѕвездата е José Antonio Domínguez Banderas и се раѓа во Шпанија на 10 август 1960 година. Тој сонува да стане професионален фудбалер, но си ја крши ногата и тоа става крај на неговата фудбалска кариера. Бандерас ја запичнува својата актерска кариера во Шпанија, но се здобива со слава во Холивуд со улогите во филмовите "Десперадо", "Маската на Зоро" и серијалот "Шрек", кои го прават еден од најпознатите шпанци во светот.

Сајтот WENN издвои 10 интересни факти за Бандерас.

- Таткото на Бандерас бил офицер во шпанската воена полиција, граѓанска гарда.

- Актерот има ветена фудбалска кариера, која завршува кога на 14 години си ја крши ногата. Но и понатаму е љубител на фудбалот и е фан на шпанските тимови Реал Мадрид и Малага.

- Има сопствена линија на машки и женски парфеми, тој лично ги тестира пред да ги пушти во продажба.

- Тој има почесен докторат и диплома од колеџот Дикинсон, Пенсилванија.

- Во 2005 година добива сопствена ѕвезда на алеата на славните во Холивуд.

- Бандерас се жени двапати, првиот брак со Ана Леза завршува со развод, а во 1996 се жени со актерката Мелани Грифит. Двајцата ја имаат 14-годишна ќеркичка Стела.

- Тој е голем љубител на режисерот Орсон Велс, а омилени филмови му се "Touch of Evil" и "The Magnificent Ambersons".

- Го снимаат дуетот "Me and My Shadow" со британецот Мајкл Бол, кој влегува во албумот на Бол во 2003г. "A Love Story".

- Поседува 50% од винаријата Анталија Бандерас во Шпанија, која е специјализирана за црвените вина и розето.

- Во 2008 година добива награда за животно дело на меѓународниот филмски фестивал Сан Себастијан.