Анџелина Џоли и Бред Пит ќе ги играат главните улоги во еден од најновите филмови на Холивуд.

Актерката ќе ја одигра легендарната и непокорлива египетската кралица Клеопатра, а нејзиното момче, со кого имаат 6 деца, ќе ја исполни улогата на Марк Ентони.

Новиот филм ќе биде по книгата на Стејси Шиф која рече дека со нетрпение чека да види како Бред и Анџелина ќе ги одиграат главните улоги. Според Шиф двете холивудски ѕвезди ја поседуваат фасцинацијата на Елизабет Тејлор и Ричард Бартон, кои во 1963 се состанаа за првпат на сцена, а подоцна се оженија.

"Мислам дека Анџелина е совршен избор за улогата, па дури и чувствувам дека со неа може да освоиме "Оскар". За улогата на Марк Ентони? Бред Пит. Тие се како Бартон и Тејлор во нашето време", коментирала писателка пред новинарите. Продуцент на филмот е Скот Рудин, а режисер ќе биде Стивен Содерберг.