Американската актерка Сара Џесика Паркер ги отфрли гласините дека води преговори за враќање во третиот дел од популарниот филм "Сексот и градот", инсистирајќи дека сака прво да ги види реакциите на публиката од вториот дел.

Актерката признава дека е возбудена, додека се подготвува за "Сексот и Градот 2", чија премиера ќе биде на крајот од овој месец и се чувстува нервозна од фактот дека на публиката може и да не им се допадне продолжението.

Во медиумите се шират гласини дека Паркер, заедно со водечките ѕвезди Ким Катрал, Синтија Никсон и Кристин Дејвис планираат да започнат со работа на третиот дел. Паркер сепак одбила да го потврди тоа и открила дека се уште не се знае ништо.