Но тоа само во новото продожение на "Пиратите од Карибите"...
Пенелопе Круз во новото продолжение на "Пиратите од Карибите" ќе глуми љубовница на Џони Деп. Иако уште од февруари е познато дека преубавата актерка ја прифатила улогата во четвртиот дел "Pirates of the Caribbean: On Stranger Tides", досега не било познато улогата на нејзиниот лик. Продуцентот Џери Бракхејмер објавил дека Пенелопе ќе ја глуми ќерката на злобниот пират, која ќе се впушти во романса со капетанот Џек Спароу, кој го глуми Деп.
Четвртото продолжение на "Пиратите од Карибите" во кината ќе се појави во Мај 2011 година. ВО најавеното продолжение публиката повеќе нема да има шанси да го гледа Орландо Блум и Кеира Книгли, која неодамна изјавила: "Кога го завршивме третото продолжение, реков, тоа е тоа. Сјајно се забавував, запознав прекрасни луѓе, но за мене три се доволни, дефинитивно".
