Sony одлучи овој филм комедија да го повлече после заканата од хакерската заедница Guardian of Peace (GOP)...



Причината за тоа е што филмот се обидува да го симне лидерот на Северна Кореја, Ким Јонг Ун. Големите кино синџири одлучија да не ја прикажуваат премиерата на филмот исто така, која требаше да биде одржана на Божиќ. Обама рече дека овој потег на Sony е голема грешка.

Sony сепак одлучил да го пушти „The Interview“ на интернет, така што филмот може сега да се купи или да се изнајми во главните онлајн продавници на Apple, iTunes, Google Play, YouTube, Xbox и  страниците на Sony.

Досега филмот собра над 15 милиони долари за само четири дена, при што поголем дел од продажбата им припаѓа на онлајн продавниците.

За изработката на филмот и маркетиншкиот буџет се потрошени околу 100 милиони долари, затоа Sony мора да го надополни овој износ, но како што тргнало, може да тргне добро и на крај да заработи добро. Филмот стана хит и на торентите, бидејќи е проценето дека во првите два дена е преземен 1.5 милиони пати, што е добра маркетиншка приказна од таа страна.

Овој филм е пресврт во начинот на кој луѓето доаѓаат до нови филмски наслови и ја покажуваат моќта на онлајн продавањето во споредба со кино салите, кои некогаш и не сакаат да прикажуваат филмови, исто како во овој случај. Со ова се отвара ново поглавје во филмската индустрија.