Сексипилната Софија Вергара оваа година е прогласена за најплатена телевизиска актерка во светот...



Оваа убавица заработила над 30 милиони долари од јуни 2012 до јуни 2013 година, а Форбс ја ставил на листата пред сите машки и женски учесници во телевизискиот свет.

Вергара заработува околу 175.000 $ од епизода, сума која некои нејзини колеги ја добиваат за цела сезона. Софија заработила 30 милиони занимавајќи се со глума, но и други добро платени работи. Големите хонорари ги добила како заштитно лице од голем број на производи.

Благодарение на овие ангажмани во претходната година заработила 6 милиони долари повеќе од вториот на листата, најплатениот машки актер Ештон Качер.