Кога го заменил Чарли Шин во серијата "Два и пол мажи", Ештон Качер повторно станал прв на листата на најплатени ТВ актери, со годишна заработка од 24 милиони $...



Како што наведува списанието "Форбс", на второ место е колегата на Качер од серијата, Џон Крајер, кој инкасирал 21 милион $, а на трето е Реј Романо (16.000.000 $), кој е најпознат по "Сите го сакаат Рејмонд".

Нил Патрик Харис ("Како ја запознав вашата мајка") е на четврто место, на петто Марк Хармон ("NCIS") со заработка од 15 милиони $ и на шесто место е Патрик Демпси ("Вовед во анатомија") со 13 милиони $.

Меѓу првите десет се наоѓаат Тим Ален и Ангус Т. Џонс ("Два и пол мажи") со 11 милиони $, додека Мајкл Хол ("Декстер") и Чарли Шин („Anger Management“) инкасирале по 10 милиони $.