Првата дама на Франција Карла Бруни-Саркози соопшти дека прифатила да учествува во следниот филм на Вуди Ален...

.....кој со месеци сонува да ја снима сопругата на францускиот претседател.

"Тој ми предложи да учествувам во следниот негов филм. Не знам во каква улога, но реков да", вели Бруни-Саркози синоќа. "Јас не сум актерка. Најверојатно ќе сум многу слаба, но не можам да пропуштам таква шанса. Кога ќе остарам, би сакала да можам да се пофалам дека сум снима филм со Вуди Ален", вели француската прва дама.Бруни-Саркози рече дека тоа е "навистина фантастичен" случај и повтори дека "не е актерка".

"Вуди Ален љубезно ме замоли да не снимам филм пред неговиот. Ако проектот навистина се реализира, тоа ќе биде добар обид за мене", заврши таа. Во јуни при посетата во Франција Вуди Ален вели дека сонувал да ја снима поранешната манекенка во свој филм. "Сигурен сум дека ќе биде одличен. Има харизма и е навикната да се појавува пред публика, така што можам да и доверам било каква улога", рече Вуди Ален.